早前又有什麼統計說什麼男少女多,潛台詞係:剩女,好心你照下塊鏡好好檢討下啦!

又講?你煩不煩?我嫁唔嫁得出,又關你事?你慳d 啦!

呢個題目,如果由單身女性來寫,心地唔好的人又會諗:你係度自圓其說自我安慰啫,你男朋友都搵唔到谷住話享受單身生活架啦!

當然而家由我這個已婚婦人來寫,心地唔好的人又會話:車!你都上0左岸,係度講風涼話啫!

不過,其實我唔care 心地唔好的人諗咩羅!

老老實實,係咪一定要結婚生仔先叫幸福呢?以前女人搵唔到食,就話要仰男人鼻色,係好係醜,點都要搵番個養自己啫!而家咩年代呀!我養得起自己,有屋住,有飯開,點解一定搵人嫁先?

一 個人,有咩唔ok? 睇戲食飯唱k聽演唱會我鍾意一個人呀!我駛咩要理身邊的眼光?你理得我呀!同埋,呢個世界冇0左男朋友/老公,d 人就死晒咩?冇人陪你去睇戲食飯唱k聽演唱會,你又唔想一個人,咪去識朋友羅!男朋友/老公都未必下下陪你架!好似我有一次入急症室,熊主都話唔好意思同 老闆講要走冇理到我啦!我去睇醫生,熊主次次都冇陪架!佢係久唔久陪我睇戲,但去睇show 唱k 食飯,好多時我同朋友去架!我從來冇怪過熊主喎 (咁除0左入急症室個次啦),同男朋友/老公未必好似你想像中咁每一分每一秒都深愛對方,不可分離架喎!

「你要求多多,又唔拎塊鏡出黎照下 咩樣,好心啦!抵你冇仔啦!」邊個話一定要靚女先有資格揀架呢?喂!而家講緊搵個人陪我過下半世喎!唔係買個lv 唔岩可以拎去咩咩店放0左都冇蝕得咁入肉喎!點解作為一個人,連擇偶的資格也沒有?就係因為我係剩女?你話你咁揀擇,咪抵你冇仔羅!我駛你關心?搵唔到, 都好過是但硬哽一個喎!

總有人語重心長勸導要來個大改造,才能脫離剩女行列。吓?我是一個有血有肉的一個人。我至所以謂我,就是我有我的性 格、我有我的想法。性格和想法,唔係話變就變,你以為自己已經脫胎換骨,可能只是自欺欺人。每一個人,也有優點缺點;愛一個人,會接受對方的優點缺點,也 會為對方盡量改善自己的缺點,但歸根究底,人的性格唔係話變就變。呢個,其實係熊主教我的。我唔記得有一次我對佢講我會改什麼什麼,他回應道:0從氣啦! 你係咁0既人,冇得變架喎!當然有公主病,就要去醫!如果某種性格想法行為係作為一個人,無論男定女,都唔可以接受的,就要改!唔係因為你搵唔到男朋友, 又話你好恨嫁,先黎改。

***

給你說個故事:很久很久以前,有一個女生失戀後很快想找一個 人填補空隙。有一天,遇上了一個對她有意思的男生,她急急把握機會。他說:我事業如日方中,之前的女朋友總是投訴我沒時間理她;她說:我不會的!我不介 意!他約她吃飯,歡天喜地在公司呆至晚上九時,八時四十五分他說我跟同事吃飯,不跟你見面了!她說:那好吧,我不介意。她跟家人去旅行,他說他會來接機。 臨出發前,她再跟他約定。回港前一晚,打了長途電話,他說不來了,家人要用車。她說:只要你來就可以,沒車也無所謂。他最終也沒有來。

她一直以為把明明很在意的事,說成不介意。她一直以為只要為對方改掉纏人的壞習慣,一切就好了。

三個月後,她才明白。愛一個人,不是強行把自己改變,也不要奢望對方會改變。

不不不,那個道理,是她在大半年後遇上一個真正愛她的人才明白。

 ***

你係一個人,唔係一件貨,唔駛將自己賤價賣出!

你係一個人,唔係叫剩女,同自己講,而家一個人又點?唔好自怨自艾,亦唔駛因為咁否定自己,覺得有問題。終有一日,你搵到岩的人;就算touchwood 搵唔到,你的幸福都係你手裡,唔駛人去評價。

加油!

Posted by 紫熊 at 痞客邦 PIXNET Guestbook(0) 人氣()